Vi tilrår at du alltid nyttar siste versjon av nettlesaren din.
preeksponeringsprofylakse

HIV-forebyggende behandling, PrEP

Personar med høg risiko for hiv-smitte kan få tilbod om PrEP-behandling. I Noreg gjeld dette i hovudsak menn og transmenn som har sex med menn (msm).

PrEP er ei hiv-førebyggande behandling og står for preeksponeringsprofylakse. Behandlinga inneber at personar med høg risiko for å bli smitta av hiv, tar tablettar mot hiv, anten dagleg eller i periodar ved behov, for å minske risikoen for smitte. 

PrEP beskyttar svært godt mot hiv dersom det blir tatt rett, men gir ikkje 100 % beskyttelse. Behandlinga beskyttar ikkje mot andre seksuelt overførbare infeksjonar (soi). Vi anbefaler derfor å bruke kondom og å teste seg jamleg. I Noreg er PrEP i hovudsak aktuelt for menn og transmenn som har sex med menn (msm). 


Før

PrEP blir gitt ved infeksjonsmedisinske avdelingar eller ved spesialiserte klinikkar, og du kan kontakte fastlegen din for å få tilvising. For å starte behandling med PrEP må du vere hiv-negativ og ha auka risiko for hiv-smitte. I Noreg er behandlinga sjeldan aktuell for heterofile.  

Er PrEP aktuell for deg? 

  • Har du sex utan kondom med partnarar som har auka risiko for hiv-smitte? 
  • Har du ubeskytta analsex? 
  • Har du nyleg hatt ein bakteriell seksuelt overførbar infeksjon? 
  • Bruker du rusmiddel som fører til at du har risikosex? 
  • Har du nyleg brukt posteksponeringsprofylakse (PEP), ein medisin som blir gitt etter mogleg risiko for hiv-smitte? 
  • Har du ein hiv-positiv partnar som framleis har målbare virustal? 
Har du svart ja på eitt eller fleire av desse spørsmåla, kan PrEP kanskje vere aktuelt for deg. 

Før oppstart med PrEP er det viktig å ta ei blodprøve for å utelukke at du er smitta med hiv, og sjekke at andre relevante blodverdiar er normale. Det er også viktig at du kan fortelje kva andre medisinar du bruker, fordi enkelte medikament ikkje bør bli kombinert med PrEP. 

Under

PrEP kan bli brukt anten dagleg eller ved behov. 

Dagleg behandling 

Dagleg behandling inneber at du tar éin tablett til same tidspunkt kvar dag. Dette kan passe for deg som har hyppig sex, eller som sjeldan veit når du kjem til å ha sex. 
 
ELLER 

Behandling ved behov 

Du kan ta PrEP som ein «kur» når du trur du vil ha behov for det. Du må då ta tablettane før risikosex. Du tar 2 tablettar 2 til 24 timar før sex, deretter tar du 1 tablett dagleg til same tid, til og med 2 døgn etter siste risikosituasjon. Dette passer for deg som har planlagt og sjeldnare sex. 

Etter

Jamlege kontrollar 

Når du bruker PrEP, skal du ha jamleg oppfølging ved klinikken, blant anna for å teste deg for hiv, soi og andre relevante blodverdiar. 

Avslutte bruk av PrEP 

PrEP er ikkje meint som livslang behandling. Ettersom behovet kan endre seg, vil du og behandlaren din saman vurdere om og når det er rett å avslutte behandlinga. 

Ver merksam

PrEP blir vanlegvis godt tolerert, men alvorlege biverknader kan oppstå ein sjeldan gong. Blant anna kan medisinen nokre gonger påverke nyrefunksjon og skjelett. 

Sist faglig oppdatert 25.01.2023

Kontakt

Haugesund sjukehus Medisinsk poliklinikk, Haugesund

Kontakt Medisinsk poliklinikk, Haugesund

Oppmøtestad

Vi held til på Haugesund sjukehus. Ta heisen ved resepsjonen opp til 5. etasje. Hold høgre når du går ut av heisen. Gå til ventesone 5A. 

Vi ber deg vente i ventesonen til du får tildelt behandlingsrom.  

Avbestilling av time/om du ikkje møter - Helse Fonna HF

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Praktisk informasjon

Eigendel

Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.

Eigendelar for helsetenester - Helsenorge

Frikort

Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.

Frikort for helsetjenester - Helsenorge

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.