Vi tilrår at du alltid nyttar siste versjon av nettlesaren din.

Behandling med infliximab

Infliximab er ein biologisk medisin retta mot tumor-nekrose-faktor-alfa (TNF-alfa) og verkar på betennelsesprosessar i kroppen. Medikamentet blir brukt mot psoriasis, psoriasisartritt, Crohns sjukdom, ulcerøs kolitt og revmatoid artritt. Verknaden på hudforandringane kan komme relativt raskt, ofte i løpet av 2–4 veker.

Før

Før kvar behandling må du ta blodprøver. Bruk blodprøverekvisisjonen du har fått tilsendt. Dei same prøvene blir tatt kvar gong.

  • Blodprøvene tar du 2–3 dagar før planlagt behandling.
  • Dersom du tar blodprøvene på eit lokalt legekontor, og desse skal bli sendt til eit laboratorium eller sjukehus, må du ta prøvene fire dagar før.
Blodprøvene gir oss viktig informasjon når det gjeld om du skal ha behandling eller ikkje. Dersom du ikkje har tatt blodprøvene, kan vi dessverre ikkje gi deg behandling.

Du skal ta med deg urinprøve til kvar behandling.

I avdelinga vil det bli tatt blodtrykk, puls og temperatur.

Under

Ved første infusjon får du ein informasjonssamtale med lege eller sjukepleiar. Du vil bli spurd om helsetilstanden din, om du har eller nyleg har hatt noka form for infeksjon, om du nyleg har gjennomført eller har planlagt kirurgiske inngrep, antibiotikabehandling, tannbehandling og om blodprøver er tatte. Vidare vil du få informasjon om forventa effekt av behandlinga og typiske biverknader av medikamentet. Det vil samtidig bli utført leddteljing. Det vil seie at vi sjekkar ledda dine for hevelse og smerte.

Etter samtalen vil du bli beden om å gjere ei eigenregistrering av sjukdomsaktivitet i eit dataprogram som heiter GTI.

Ved første gongs infusjon tar behandlinga cirka 2 timar. Seinare infusjonar tar cirka 1 time.

Behandlinga blir gitt av sjukepleiar mens du sit i ein eigen behandlingsstol. Du vil først få lagt inn ein venekanyle i ein av blodårane dine på hand eller arm. Deretter blir medisinen gitt i flytande form gjennom venekanylen. Blodtrykket vil bli målt før behandlinga startar og kanskje undervegs i infusjonen. Når infusjonen er ferdig blir venekanylen tatt ut.

Etter

Etter første infusjon oppfordrar vi alle pasientar til å opphalde seg i nærleiken av behandlingsrommet i cirka 30 minutt før heimreise. Dersom du ikkje kjenner ubehag etter første infusjon, treng du ikkje å gjere dette ved seinare infusjonar om forma kjennest fin.

Du får med deg ein ny timeavtale etter kvar behandling.

Sist faglig oppdatert 13.01.2022

Kontakt

Haugesund sjukehus Medisinsk poliklinikk, Haugesund

Kontakt Medisinsk poliklinikk, Haugesund

Oppmøtestad

Vi held til på Haugesund sjukehus. Ta heisen ved resepsjonen opp til 5. etasje. Hold høgre når du går ut av heisen. Gå til ventesone 5A. 

Vi ber deg vente i ventesonen til du får tildelt behandlingsrom.  

Avbestilling av time/om du ikkje møter - Helse Fonna HF

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Eigendel

Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.

Eigendelar for helsetenester - Helsenorge

Frikort

Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.

Frikort for helsetjenester - Helsenorge

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.