Vi tilrår at du alltid nyttar siste versjon av nettlesaren din.
Jerntilskudd intravenøst
Dersom du ikkje klarer å ta opp nok jern gjennom kosten eller jerntilskot, kan du få jern intravenøst.
Har du for lite jern i kroppen, kan du utvikle jernmangelanemi. Vanlige symptomer er tretthet, svimmelhet og tung pust ved anstrengelse. Behandling med jerntabletter gir ofte bedring i løpet av kort tid.
Dei raude blodcellene har som oppgåve å bere med seg oksygen til alle celler i kroppen. Jern er eit viktig byggestoff for raude blodceller, så du har for lite jern kan du få for få raude blodceller, også kalla låg blodprosent eller anemi. Da kan du oppleve symptom som bleikheit, svimmelheit, kortpustaheit og hjartebank.Når det er jernmangel som er årsaka til anemi kallar vi det jernmangelanemi.
Jernmangelanemi kan oppstå som følge av blødingar (kraftig menstruasjon, blødande magesår, skade, kirurgi, blødarsjukdommar), men også ved mangelfullt inntak i kosten, eller mangelfullt opptak i tarmen.
Når det ikkje er tilstrekkeleg å behandle jernmangelanemi med kostendringar eller tablettbehandling, kan du få jern direkte i blodet gjennom ein venekanyle som blir lagd inn i ei blodåre.
Tilvising og vurdering
Når fastlegen din vurderer at du treng jerntilskot intravenøst, blir du tilvist til sjukehuset, der ein lege vurderer kva behandling du kan få.
Før
For at vi skal vite kor mykje jern du treng må du ta blodprøver og vekt før behandlinga. Vanlegvis kan jerntilskotet givast samla på ei behandling, men av og til må det givast fordelt på fleire dosar.
Under
Behandlinga blir gitt på eit behandlingsrom der det kan vere fleire pasientar. Vi legg inn ein venekanyle i ei blodåre på handa eller underarmen, denne tar vi ut igjen etter behandlinga.
Du må vente i avdelinga i 20 minutt etter behandlinga, i tilfelle du reagerer allergisk på behandlinga.
Etter
Når du har fått jerntilskotet, skal du ta blodprøvekontroll hos fastlegen etter 2-3 veker.
Ver merksam
Biverknader
Hovudverk
Magesmerter
Utslett
Om du får hovudverk etter behandlinga, kan du ta Paracet. Mildt utslett kan behandlast med cetirizin eller liknande allergimedisin (reseptfritt i butikk og apotek).
Ved sterke magesmerter bør du kontakte avdelinga eller akuttmottaket.
Det er viktig at du fortel om eventuelle biverknader før neste behandling.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Eigendel
Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.
Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
