Vi tilrår at du alltid nyttar siste versjon av nettlesaren din.

Kontrastmammografi

Kontrastmammografi er ei røntgenundersøking som framstiller brystvevet.

Kontrastmammografi er ei mammografiundersøking som blir gjord etter at det er sprøyta inn eit jodholdig kontrastmiddel i ei blodåre i armen. Kontrastmiddelet som blir brukt er også vanleg å bruke ved fleire andre røntgenundersøkingar, som for eksempel CT. Kontrasten blir tatt opp i vevet, spesielt i sjuklege forandringar, som da kan synast tydelegare på bilda. 

Undersøkinga blir brukt som eit supplement til vanleg mammografi, og kan også brukast ved kartlegging før operasjon eller når MR ikkje er aktuelt. Undersøkinga blir utført i same apparat som ved vanleg mammografi. 

Før

Du kan ta medisinar på vanleg måte, bortsett frå medikament mot diabetes som for eksempel  Metformin, Glucophage, Compact, Orabet, Janumet eller Eucreas. Desse skal ikkje takast inntil 2 dagar før undersøkinga. Ta kontakt med fastlegen for blodprøver av nyrefunksjonen før du startar med tablettane igjen. Denne informasjonen vil du finne i eit eventuelt innkallingsbrev til kontrastmammografi.

Nyrefunksjon

Kontrastmiddelet skilst ut gjennom nyrene. Dette toler du godt om du er nyrefrisk, men for å vere sikker, bør du på førehand ta ei blodprøve (kreatinin/GFR) som viser at nyrene funger normalt. Det blir også anbefalt at du drikk cirka 2 liter væske det siste døgnet før undersøkinga.

Allergi

Dersom du tidlegare har reagert allergisk på kontrastmiddel i samband med ei røntgenundersøking, må du gi beskjed om dette.

Menstruasjonssyklus

Det er best at undersøkinga blir gjord midt i ein menstruasjonssyklus (2. eller 3. veke). Normalt brystvev tar også opp kontrast, mest i perioden omkring menstruasjon. Dette kan gjere det vanskelegare å vurdere undersøkinga. Hos kvinner som ikkje har ein syklus, blir det ikkje tatt omsyn til tidspunkt. Heller ikkje dersom undersøkinga hastar.

Silikonimplantat

Kontrastmammografi kan ikkje gjerast dersom du har implantat.

Under

Radiografen legg inn eit tynt plastrøyr (venekanyle) i ei blodåre i armen. Kontrastvæska blir gitt med ei automatisk trykksprøyte. Du kan kjenne varme i kroppen, metallsmak i munnen eller ei kortvarig kjensle som om du tissar på deg. Dette er normalt og går raskt over. 

Vi tar mammografibilde på vanleg måte, som oftast 2 bilde av kvart bryst. Kvart bilde tar litt lengre tid enn ved ein vanleg mammografi, og stråledosen er litt større, omtrent tilsvarande eit ekstra bilde. 

Bilda må takast kort tid etter at kontrasten er gitt, derfor går føre seg undersøkinga effektivt.

Etter

Etter undersøkinga må du vente i cirka 30 minutt etter at kontrasten er gitt. Etter du har fått tilsyn og venekanylen er tatt ut, kan du reise heim. Det kan vere lurt å drikke godt også etter undersøkinga. 

Ver merksam

I somme tilfelle kan seinreaksjonar av kontrastmiddelet førekomme i form av hovudverk, kvalme eller utslett. Dersom du får slike reaksjonar som held fram eller blir forverra, skal du kontakte fastlegen. 

Sist faglig oppdatert 03.03.2026

Kontakt

Haugesund sjukehus Brystdiagnostisk senter (BDS)

Kontakt Brystdiagnostisk senter (BDS)

Oppmøtestad

Du finn oss i 1. etasje på Haugesund sjukehus. Følg merkinga til Mammografi.

Venterom: Vi har to venterom for mammografipasientar.

Eitt av venteromma er for kvinner som er invitert til nasjonal mammografiscreening (Mammografiprogrammet). Du finn venterommet bak skilleveggane du ser rett ved inngangen til Radiologisk avdeling. Vi hentar deg når det er din tur.

Det andre venterommet ligg bortanfor – sjå skilt i taket Ventesone mammografi. Dette venterommet er for kvinner som er tilvist til mammografi frå lege, eller som skal ha vidare undersøking i Mammografiprogrammet.

Registrering av frammøte

Du melder frammøte via SMS-en du har fått på telefon, eller på automaten i resepsjonen ved hovudinngangen. Då får du ein kode som kjem opp på skjermen ved inngangen til Radiologisk avdeling. På skjermen ser du kva ventesone du skal gå til.

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Ordinære besøkstider (visittider) er kl. 17.00 - 18.30 alle dagar.

Sjå retningslinjer for besøk

Eigendel

Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.

Eigendelar for helsetenester - Helsenorge

Frikort

Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.

Frikort for helsetjenester - Helsenorge

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for pasientar, besøkande og tilsette.

Opningstider kantine

Måndag - fredag kl. 09.30-15.30. Stengt i helger og på heilagdagar.

Pasientkantine i 4 og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.

Du finn ein Narvesen kiosk i 1.etasje

Opningstider kiosk

Måndag-fredag: 06.30-21.00 
Laurdag: 09.00-20.00
Søndag: 10.00-20.00 

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Haugesund

  • Måndag til onsdag kl. 07.30 - 14.15
  • Torsdag kl. 07.30 - 16.30.
  • Fredag kl. 07.30 - 13.00.

Oppmøtestad: Haugesund sjukehus.

Telefon: 52 73 22 81.  

Stord

Måndag til fredag kl. 08.30 - 15.00. 

Oppmøtestad: Stord sjukehus.

Telefon: 53 49 10 90.  

Odda

Måndag til fredag kl. 08.00 - 15.00. 

Oppmøtestad: Odda sjukehus.

Telefon: 91 24 59 96 / 53 65 11 23.  

Blodbanken - Helse Fonna HF

Sauda

Vi har ein tappestasjon i Sauda. Kontakt oss på telefon: 52 73 22 81.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontantar. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar i toppetasjen på parkeringshuset. Du vil få utlevert parkeringsbevis frå avdelinga dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.