Vi tilrår at du alltid nyttar siste versjon av nettlesaren din.

Lyskebrokk

Lyskebrokk oppstår på grunn av ein feil eller svakheit i bukveggen. Det blir danna ein brokksekk av bukhinna som kan innehalde vev eller organ frå bukhulen.

Brokk kan oppstå mange steder, men hyppigst i lyskeområdet. Dersom brokket blir ømt eller smertefullt, kan det opereres.

Les meir på helsenorge.no

Symptom

Eit ukomplisert brokk gir som regel lite smerter. Det kan som regel trykkast inn, og krev sjeldan behandling. Dersom brokket set seg fast (blir innklemt) gir det til dels kraftige smerter og brokket blir hardt. Du kan også oppleve symptom som kvalme og oppkast. I slike tilfelle kan det bli nødvendig å operere akutt, og du bør snarast ta kontakt med lege.

Tilvising og vurdering

Dersom du har plager frå brokket kan du be fastlegen din om ei tilvising til gastrokirurgisk avdeling for utgreiing, og dessutan vurdering for operasjon. Rettleiande frist for start av utgreiing er ifølge helsedirektoratet 26 veker. Det er også varierande ventetider for sjølve operasjonen. 

Alle tilvisingar bør innehalde:

  • Aktuell sjukehistorie
  • Relevante tidlegare og nåverande sjukdommar
  • Kliniske funn
  • Resultat av relevante tilleggsundersøkingar
  • Oppdatert medikamentoversikt

(Ved bruk av malen «Den gode tilvisinga» som er integrert i dei fleste elektroniske pasientjournalsystema er overnemnde punkt dekte)

Hugs

  • Ved tilvising av barn eller av pasientar utan samtykkekompetanse – kontaktinformasjon til føresette
  • Eventuelt tolkebehov

For meir informasjon og rettleiing om tilvisingar til spesialisthelsetenesta:

Nasjonal rettleiar for tilvisingar til spesialisthelsetenesta, Helsedirektoratet.

Aktuell sjukehistorie

  • Debut og varigheit? Hyppigheit av plagar? Utvikling?
  • Pågåande inkarserasjon/ strangulasjon – i så fall AKUTT tilvising
  • Tidlegare episodar med inkarserasjon eller strangulasjon?
  • Forverrande eller lindrande faktorar? Smerter berre ved aktivitet eller også i kvile? Kosmetisk skjemmande?
  • Spontant reponibelt/ manuelt reponibelt/ vanskeleg reponibelt?

Kliniske funn

  • Palpabel kul i lyske, eventuelt som blir provosert fram ved bruk av bukpressen?
  • Palpasjon av scrotum hos menn

Anna relevant

Arbeidsførheit?

Utredning

Ein kirurg undersøker deg poliklinisk for å fastslå om kulen faktisk dreier seg om eit brokk. Viss dette framleis er uklart etter den kliniske undersøkinga kan det bli nødvendig å supplere med ultralyd eller CT-undersøking. Du får samtidig informasjon om moglege operasjonsmetodar og eventuelle komplikasjonar.

CT
Ultralydundersøking

Behandling

Om du har lyskebrokk, vurderer vi nå om du skal ha behandling og eventuelt kva behandling som er best for deg. Du har rett til å vere med å bestemme, og vi tar avgjerda saman med deg. Dette blir kalla samval.

Samval inneber at du mottek informasjon om fordelar og ulemper ved dei ulike alternativa. Så kan du saman med helsepersonell sjå desse opp mot kvarandre, ut ifrå kva som er viktig for deg.

Her er tre spørsmål du kan stille din behandlar:

  1. ​Kva alternativ har eg?
  2. Kva fordelar og ulemper er moglege ved desse alternativa?
  3. Kor sannsynleg er det at eg vil oppleve nokre av desse?

​Les meir om samval på helsenorge.no​​

Eit lyskebrokk vil aldri forsvinne av seg sjølv. Prinsippet bak kirurgisk behandling blir derfor å lukke sjølve defekten, og oftast med eit forsterkande nett. Dette gjer vi med open teknikk eller med kikhòlsteknikk. Kva metode som passar best for deg vil gastrokirurgen vurdere før operasjonen.

Operasjonsrisiko

Alle operasjonar inneber ein viss risiko. Ved operasjon for lyskebrokk kan du blant anna risikere at brokket kjem tilbake. Dersom du har plager, kan du ofte få tilbod om ein ny operasjon.

Det er også risiko for smerter i lysken. Dette blir du informert om før operasjonen.

Dersom du røyker, er risikoen for slike problem mykje høgare. Vi anbefaler sterkt at alle som ønsker operasjon sluttar å røyke.

Dagkirurgi

Mange kan bli opererte som dagkirurgisk pasient, det vil seie at du kjem og reiser heim same dag. Dersom du har fleire andre sjukdommar og/eller bur aleine, vil du få overnatte første natt på sjukehuset.  

Lyskebrokk hos vaksne, operasjon

Oppfølging

Dersom det er nødvendig med kontroll på sjukehuset eller hos fastlegen din etter behandlinga, får du beskjed om det før heimreise.

Sting

Dersom du har sting som må fjernast, vil du få beskjed om det. Dei fleste må ikkje fjerne nokon sting.

Aktivitet

Såret i huda gror raskt, mens vevet under huda treng lengre tid på å gro.

  • For å unngå at brokket kjem tilbake, må du unngå tunge løft dei første seks vekene etter operasjonen.
  • Du bør også unngå forstopping.

Du vil få sjukmelding, lengda på denne avheng av kva du jobbar med.  

Sist faglig oppdatert 26.09.2025

Kontakt

Haugesund sjukehus Gastrokirurgisk avdeling
Ventetid: 16 - 52 uker

Ventetid: 16 - 52 uker

Kontakt Gastrokirurgisk avdeling

Oppmøtestad

Gastrokirurgisk poliklinikk hald til i 1. etasje på Haugesund sjukehus.

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Ventetid

16 uker til dagbehandling (52 totalt)

36 uker til utredning

Velg behandlingssted (helsenorge.no)

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.