Mage-tarm utgreiing, undersøking hos gastroenterolog

Gastroenterologi er læra om sjukdommar i magen og fordøyingskanalen. Dette omfattar sjukdomsteikn og/eller sjukdommar i matrøyret, magesekken, tolvfingertarmen, tynntarmen, tjukktarmen, endetarmen, levra, gallevegane og bukspyttkjertelen. Sjukdommar kan vere sår, betennelsar, syreplager, svulstar, gallestein og sirkulasjonsforstyrringar.

Tilvising og vurdering

Det er fastlegen som tilviser til mage-tarm-utgreiing og undersøking hos gastroenterolog. 

Som oftast vil fastlegane kunne gjennomføre mykje av utgreiinga for magerelaterte plager. Både gjennomgang av sjukehistoria, alminneleg kroppsundersøking, laboratorieundersøkingar og bildediagnostikk kan bli utført eller bestilt frå fastlegekontoret.

Ventetid for utgreiing av uspesifikke mage-tarm-plager vil variere mykje. Alarmsymptom som alvorleg vekttap, jernmangel med anemi, mykje smerter eller nyoppstått forstopping / kronisk diaré vil få ein prioritet på 4–6 veker. Ved fråvær av alarmsymptom vil ei utgreiing normalt ikkje få prioritet.  

Tilvisinga skal vere kort og konkret med opplysningar om:    
  • Laboratoriefunn og ev. kliniske funn
  • Ev. gjennomførte bildediagnostiske undersøkingar
  • Kort detaljert anamnese med vekt på tidlegare sjukehistorie, spesielt tidlegare mage-tarm-plager og klinisk undersøking
  • Opplysning om ernæringstilstand: vekt, høgde, BMI, ev. vekttapshistorikk, dersom mogleg med eksakte verdiar 
  • Svar på orienterande blodprøver: Hb, leukocyttar, trombocyttar, MCV, transferrinreseptor, glukose, crp, albumin, Na, K, Mg, Ca, kreatinin, bilirubin, ALP, GT, ALAT og ASAT
  • Opplysning om tidlegare endoskopiske eller billediagnostiske undersøkingar med resultat og biopsisvar 




Før

Det er viktig å kartlegge kva type plager du har, starttidspunkt og intensitet for plagene, når du opplever at symptoma kjem, osv. Det er også viktig med informasjon om forsøk på behandling og andre relevante opplysningar som kan belyse plagene dine og finne fram til rett diagnose og behandling. 

Tenk gjennom desse forholda før du møter legen. Dette gjer det enklare for deg å svare på spørsmål, og du kan gi meir nøyaktige opplysningar.



Under

Du vil først få ein innleiande time hos lege på poliklinikk. Her vil vi gå gjennom sjukehistoria på nytt med vekt på tidlegare sjukehistorie, symptom og klinisk undersøking. Vi vil også gå gjennom av ernæringstilstand: vekt, høgde, BMI, og ev. vekttap. 

Generelt vil følgande undersøkingar vere aktuelle:

  • Supplerande blodprøver der dei ikkje føreligg frå tilvisande lege. 
  • Gastroskopi med vevsprøver frå tolvfingertarmen og ev. magesekken. 
  • Koloskopi med vevsprøver frå tynntarm og tjukktarm. 
  • Supplerande biletdiagnostikk (ultralyd, CT eller MR) der det er relevant.


Etter

Kva oppfølging ein får etter mage-tarm-utgreiing og undersøking hos gastroenterolog, vil vere avhengig av funn. Ofte vil dette vere eit samarbeid mellom spesialistpoliklinikk og fastlege.

Kontakt

Haugesund sjukehus Gastromedisinsk poliklinikk
Ventetid: 22 uker

Ventetid: 22 uker

Kontakt Gastromedisinsk poliklinikk

Oppmøtestad

Du finn oss i 1. etasje på Haugesund sjukehus. Gå til ventesone 7 når du har registrert deg.

Sjølvbetent innsjekk og betaling - Helse Fonna HF

Avbestilling av time/om du ikkje møter - Helse Fonna HF

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Ventetid

22 uker til utredning

Velg behandlingssted (helsenorge.no)

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.