Medikamentprovokasjon av barn og unge – oraltest

Du skal ikkje nytte

• allergimedisinar (antihistaminar) den siste veka innan testen
• kortison (prednisolon) 24 timer innan testen
• fuktighets- eller kortisonkremer på armane testdagen

Du må være frisk på dagen for undersøkinga, og ikkje vere forkjølt, ha feber eller liknande. Testen blir utsett om du er sjuk. Det er også viktig at du ikkje har forverring av eit eventuell astma eller eksem når testen blir gjennomført.

Du blir tatt imot av ein sjukepleier som forklarer deg kva som skal skje. Sjukepleiaren tar pulsen og måler blodtrykket ditt. Det blir også tatt ein pusteprøve, kalla spirometri.

Du får medisinane gjennom munnen ved å ete og svelgje dei. Provokasjonar på medikament som blir gitt gjennom munnen blir utførte av sjukepleiar. Det er vanleg å først gi 1/10 av medisindosen ein mistenkte utløyste den allergiske reaksjonen, og deretter resten (9/10) etter 30 minutt.

Avhengig av sjukehistoria kan ein gi dose nr. 2 opptil 1 veke seinare, og ved andre tilfelle held ein fram med to dosar kvar dag i fire dagar heime.

Du må vere på sjukehuset i to timar etter testen, nokre gonger lenger om det er behov for det.

Det er vanleg med legesamtale rett etter testen for å snakka om resultatet, eller så blir du kalla inn ein til poliklinisk samtale seinare.