Vi tilrår at du alltid nyttar siste versjon av nettlesaren din.

Nyre- og urinvegsstein, knusing med sjokkbølger (ESWL)

Med denne behandlinga knuser vi nyre- og urinvegsstein ved å bruke eit apparat som lagar sjokkbølger. Når sjokkbølga treffer steinen, blir den knust til små bitar eller sand/grus som etter kvart blir skylt ut gjennom urinen. Behandlinga er dagkirurgisk, og du reiser heim same dag.

Før

Det kan hende du må ta urinprøve, CT eller røntgenbilde før behandlinga. Dette får du i så fall beskjed om.

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Fram til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

  • Mat og mjølk/mjølkeprodukt: Skal stoppast 6 timer før
  • Klare væsker, tyggegummi, drops, røyk og snus: Skal stoppast 2 timer før

Dersom du likevel har ete eller drukke utanom dei tidene som står her må personalet få vite det.

Før enkelte inngrep skal du drikke ein bestemt mengde næringsdrikk.Det får du i så fall beskjed om. ​

Hygiene

Før du kjem til sjukehuset må du vere nydusja. Det er viktig med god hygiene før operasjonen, for å førebygge infeksjon. Vask hender og føter godt. Ta av ringar og piercingar heime.

Medisinar

Hovudregelen er at du kan ta dei vanlege medisinane dine heilt fram til behandlinga.

  • Bruker du dei nye perorale antikoagulasjonsmidlane (Dabigatran, Rivaroksaban, eller Apixaban) må du slutte med det minst 3 dagar før behandling om ikkje anna er avtalt.
  • Dersom du bruker Marevan, skal du i utgangspunktet slutte med det 2 dagar før behandlinga, om ikkje anna er avtalt.
  • Bruker du acetylsalisyl-preparat skal du vanlegvis ikkje slutte med desse dersom ikkje anna er avtalt med fastlege/sjukehuset.
  • Om du bruker medikament som Plavix eller Efient, må du avklare dette med sjukehuset eller fastlege.
  • Dersom du bruker hormonpreparat, kan du vanlegvis ta desse fram til behandlinga.

Er du i tvil om kva medisinar du kan ta, kan du ta kontakt med fastlegen eller behandlande kirurg.

Under

Du får smertestillande før behandlinga startar.

Du ligg enten på magen eller ryggen under behandlinga, alt etter kor steinen ligg.

Vi bruker ultralyd eller røntgengjennomlysing for å sikre at sjokkbølga treffer steinen. 

Etter

Du får kvile ei stund etter behandlinga før du reiser heim. Du kan ikkje køyre bil på grunn av medikamenta du har fått. Du bør ha smertestillande tablettar (Paracet) tilgjengeleg som kan brukast om du treng det.

Kva kan eg forvente etter behandlinga?

  • Det er normalt å ha litt blod i urinen etter behandlinga, men dette går over etter kvart. Drikk rikeleg, slik at du har god gjennomskylling i urinvegane.
  • Nokon vil oppleve hyppig og uregelmessig vasslating, dette vil betre seg innan nokre dagar.
  • Om du skulle oppleve smerte eller ubehag, at urinen endrar lukt og/eller at du har svie i samband med vasslatinga, kan dette tyde på ein urinvegsinfeksjon. Ta i så fall kontakt med lege.
  • Dersom du har inneliggande stent (plastrøyr) frå nyra til urinblæra, er det normalt med svie, ubehag og blod ved vasslating. Desse symptoma kan òg halde fram ei stund etter at røyret er fjerna.
  • Om du skulle få problem med vasslating, får smerter eller spreng i blæra eller penisområdet, må du kontakte sjukehuset.

Det er mogleg å gjenta ESWL-behandlinga om det er nødvendig. Om ikkje to behandlingar gir eit tilfredsstillande resultat, vurderer vi om det kan vere aktuelt med anna behandling.

Sjukmelding er i utgangspunktet ikkje nødvendig.

Kontroll

Skal eg til kontroll eller følgast opp på nokon måte?

Vanlegvis skal du ta CT eller røntgen nokre veker etter behandlinga. Du blir anten kalla inn til vidare behandling, eller du får brev om at steinen er fjerna og at du ikkje treng meir behandling.

Ver merksam

Kontakt fastlegen eller sjukehuset om du får feber, frysningar eller smerter som held fram etter behandlinga.

Sist faglig oppdatert 19.01.2026

Kontakt

Haugesund sjukehus Urologisk avdeling

Kontakt Urologisk avdeling

Oppmøtestad

Du finn Urologisk poliklinikk i 1. etasje på Haugesund sjukehus. Vi er samlokalisert med kirurgisk poliklinikk. Ta kontakt med ekspedisjonen vår når du kjem.

Meld at du er komen via SMS-en du har fått, eller på automaten ved hovudinngangen til sjukehuset. 

Sjølvbetent innsjekk og betaling - Helse Fonna HF

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Ordinære besøkstider (visittider) er kl. 17.00 - 18.30 alle dagar.

Sjå retningslinjer for besøk

Eigendel

Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.

Eigendelar for helsetenester - Helsenorge

Frikort

Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.

Frikort for helsetjenester - Helsenorge

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for pasientar, besøkande og tilsette.

Opningstider kantine

Måndag - fredag kl. 09.30-15.30. Stengt i helger og på heilagdagar.

Pasientkantine i 4 og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.

Du finn ein Narvesen kiosk i 1.etasje

Opningstider kiosk

Måndag-fredag: 06.30-21.00 
Laurdag: 09.00-20.00
Søndag: 10.00-20.00 

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Haugesund

  • Måndag til onsdag kl. 07.30 - 14.15
  • Torsdag kl. 07.30 - 16.30.
  • Fredag kl. 07.30 - 13.00.

Oppmøtestad: Haugesund sjukehus.

Telefon: 52 73 22 81.  

Stord

Måndag til fredag kl. 08.30 - 15.00. 

Oppmøtestad: Stord sjukehus.

Telefon: 53 49 10 90.  

Odda

Måndag til fredag kl. 08.00 - 15.00. 

Oppmøtestad: Odda sjukehus.

Telefon: 91 24 59 96 / 53 65 11 23.  

Blodbanken - Helse Fonna HF

Sauda

Vi har ein tappestasjon i Sauda. Kontakt oss på telefon: 52 73 22 81.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontantar. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar i toppetasjen på parkeringshuset. Du vil få utlevert parkeringsbevis frå avdelinga dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift.
 
Det er innført skiltgjenkjenningssystem på Stord sjukehus. Du får tilsendt faktura frå ParkPay etter inn- og utkøyring. 
 
​Pris for å parkere er 25 kroner i timen. Makspris for eit døgn er 155 kroner.
 
Det er mogleg å køyre heilt fram til hovudinngangen for å sleppe av passasjerar ved behov. 
 

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.