Vi tilrår at du alltid nyttar siste versjon av nettlesaren din.

Øredreninnleggelse hos barn

Dei fleste barn opplever episodar med akutt mellomøyrebetennelse. Det går som oftast over av seg sjølv, men ved langvarige eller uttalte tilfelle kan det vere nødvendig å behandle med antibiotika. I nokre tilfelle blir øyrebetennelsen og væskedanninga i mellomøyret kronisk og held fram over månader. Dermed blir høyrselen redusert og ein kan få ei forseinka språkutvikling. I slike tilfelle kan det vere aktuelt å operere inn eit ventilasjonsrøyr (også kalla dren) i trommehinna.

Vanlegvis blir mellomøyre ventilert gjennom øyretrompeten som knyter mellomøyret til nasesvelget. For å betre ventilasjonen til mellomøyrt ved kronisk mellomøyrebetennelse, kan det vere nødvendig å operere inn eit ventilasjonsrøyr i trommehinna.  

Å operere inn ventilasjonsrøyr er ei vanleg behandling med få komplikasjonar. 

 

 

Før

Det er spesielt viktig at pasienten er frisk dei siste vekene før operasjonen. Operasjonen skjer som oftast i narkose. Hos eldre barn og vaksne får lokalbedøving.

Barn som skal operere i narkose, må faste før operasjonen.

​​​Faste

​​Før operasjonen/undersøkinga må barnet faste. Dersom barnet ikkje møter fastande, kan det hende vi må avlyse/utsette timen.

Dei siste 6 timane før operasjon/undersøking skal barnet ikkje ete mat eller drikke mjølk/mjølkeprodukt. Spedbarn kan få morsmjølkerstatning inntil 4 timar før, og morsmjølk inntil 3 timar før. Dei siste 2 timane skal barnet unngå drops og tyggegummi, snus og røyk, fordi dette kan auke mageinnhold og magesyre. Barnet kan drikke klare væsker fram til 1 time før operasjon/undersøking: Vatn, saft, juice utan fruktkjøt, brus, te og kaffi utan mjølk. Barnet kan pusse tenner og skylje munnen når som helst.

  • Mat og mjølk: Skal stoppast 6 timar før
  • Morsmjølkerstatning: Skal stoppast 4 timar før
  • Morsmjølk: Skal stoppast 3 timar før
  • Drops og tyggegummi, røyk og snus: Skal stoppast 2 timar før
  • Klare væsker: Skal stoppast 1 time før

Dersom barnet likevel har ete eller drukke utanom dei tidene som står her må personalet få vite det.​

Narkose til barn

 

Barnet blir undersøkt av lege som også gir informasjon om operasjonen, moglege komplikasjonar og andre viktige opplysningar. Det kan bli noko ventetid dersom andre operasjonar tar lengre tid enn planlagt. Éin følgesperson kan vere saman med barnet inne på operasjonsstua til det har sovna. 

Under

Barnet får som oftast narkose, men større barn kan av og til opererast i lokalbedøving.

Kirurgen lagar eit lite hol i trommehinna, syg ut væske frå mellomøyret og set inn ventilasjonsrøyret. 

Etter

Etter operasjonen blir barnet observert på eit oppvakningsrom. Vanlegvis kan ein reise heim etter nokre timar. 

Inngrepet gir lite eller ingen smerter, men narkosen kan gi lett ubehag, irritabilitet og kvalme. Barnet kan ta smertestillande (for eksempel paracetamol) i den dosen som står på pakken. 

Høyrselen vil ofte vere betre allereie like etter operasjonen. 

Legen skriv ut resept på øredropar eller andre medisinar ved behov. Kontrollar etter operasjonen blir vanlegvis gjorde hos privatpraktiserande øyre-nase-hals-lege eller ved ØNH poliklinikk på sjukehus. 

Barnet kan vanlegvis gå i barnehage/skole dagen etter operasjonen. Det er vanleg at det renn noko frå øyregangen dei første dagane etter operasjonen.  

Øret bør haldast tørt den første veka etter operasjonen. Deretter kan barnet bade utan noka form for vern. Ein anbefaler ikkje dykking eller stuping så lenge ein har ventilasjonsrøyr i trommehinna. Skal barnet til utlandet, bør øret vernast ved bading på grunn av annan bakterieflora enn i Noreg. Bruk for eksempel ein bomullsdott med feit salve/vaselin i øyregangen, eller kjøp eit spesialprodukt frå apoteket. 

Ver merksam

Komplikasjonar: 

  • Ved postoperativ infeksjon med sekresjon, feber og smerter bør ØNH-lege kontaktast.  
  • Dersom trommehinna ikkje gror etter at ventilasjonsrøyret har falle ut, kan det bli nødvendig å lukke hòla kirurgisk.  
  • Alle former for irritasjon av trommehinna (gjentatte øyrebetennelsar og operasjonar) kan gi kalkdanning i trommehinna. Dette er ufarleg og påverkar som oftast ikkje høyrselen.
  • Infeksjon seinare i forløpet: Øyrebetennelse kan oppstå sjølv om eit ventilasjonsrøyr er på plass. Det kan også oppstå betennelse og infeksjon i trommehinna rundt sjølve røyret. Da er det aktuelt med dropebehandling.  

Vanlegvis fell røyret ut av seg sjølv etter ei tid. Dersom det ikkje er tilfelle blir det vanlegvis fjerna når det har gått to år. Andre gonger fell røyret ut for fort. Dersom det dannar seg væske kan det bli behov for ny operasjon. 

Sist faglig oppdatert 04.12.2025

Kontakt

Haugesund sjukehus Øre-nese-hals
Ventetid: Ikke oppdatert

Ventetid: Ikke oppdatert

Kontakt Øre-nese-hals

Oppmøtestad

Våre lokalar er i 1. etasje ved Haugesund sjukehus. Du kan bruke hovudinngangen og passere resepsjonen og sjukehusapoteket - du finn oss heilt i enden av korridoren.

Ved tilpassing av høyreapparat, anbefaler vi at pasienten har med seg følge/pårørande. 

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Ventetid

Ikke oppdatert ventetid for utredning

Ikke oppdatert ventetid for dagbehandling

Velg behandlingssted (helsenorge.no)

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.