Vi tilrår at du alltid nyttar siste versjon av nettlesaren din.

Peniskreft og forstadium til peniskreft (PeIN)

Peniskreft er ei sjeldan kreftform, med cirka 70 nye tilfelle per år i Noreg. Risikoen aukar med alderen, men kan også opptre hos relativt unge menn.

Peniskreft (Peniscancer / Penilecancer) vil i de aller fleste tilfellene starte på penishodet eller i forhuden. Det er viktig med regelmessig egenundersøkelse.

Les meir på helsenorge.no

Prognose

Generelt er overlevelsen god dersom du kjem tidleg til behandling, med ei 5 år overleving hos 75%. Utvikling av peniskreft kan ta lang tid, og går ofte via fleire forstadium. Det er derfor viktig å få diagnostisert og behandla også forstadium til kreft.

Tilvising og vurdering

Når fastlegen har grunngitt mistanke om kreft, skal du bli tilvist direkte til eit pakkeforløp for kreft. Eit pakkeforløp er eit standardisert pasientforløp som beskriv organiseringa av utgreiing og behandling, kommunikasjon/dialog med deg og dine pårørande samt ansvarsplassering og konkrete forløpstider.

Pasientinformasjon om pakkeforløp (helsedirektoratet.no)

Forløpskoordinatoren sørger for å sette opp timane du skal ha i utgreiinga. 




Diagnoseveileder for peniskreft (Helsedirektoratet)



Kliniske studiar

1 klinisk studie er open for rekruttering. Saman med legen din kan du vurdere om ein klinisk studie er aktuell for deg.

Sjå fleire kliniske studiar

Utredning

Etter at tilvisinga er sendt frå fastlegen til sjukehuset, får du time på poliklinikken ved sjukehuset i løpet av kort tid for utgreiing. Forløpskoordinatoren sørger for å sette opp timane du skal ha i utgreiinga. Kva timane inneber varierar litt, basert på om ein mistenker kreft eller forstadium til kreft. I løpet av dette tidsrommet blir det gjort undersøkingar av deg for å avklare om du har kreft, forstadium til kreft eller ein ufarleg tilstand i penis.
 
Ved mistanke om kreft eller forstadium til kreft blir du undersøkt av lege. Vi tar blodprøver samt ulike røntgenundersøkingar. Vi tar ofte også ei vevsprøve av svulsten for å stille rett diagnose.
 
Mange kreftformar kan spre seg, og peniskreft vil stort sett alltid spre seg til lymfeknutane i lyskene før den eventuelt sprer seg vidare til andre stader i kroppen. Det er viktig å kartlegge lyskeområdet best mogleg. For å gjere dette kan vi ta i bruk ultralyd, som viser kva lymfeknutar som vi eventuelt må undersøke med celleprøver. Dette inneber at vi syg ut celler frå lymfeknutane med ei tynn nål. Desse cellene blir så analysert for å sjå etter mogleg spreiing. Andre bileteundersøkingar som MR, CT og PETCT kan også vere aktuelle. 
 
Når resultata frå undersøkingane og prøvene er klare, vil vi kunne oppsummere og planlegge vidare behadnling. Har du ikkje kreft, avsluttar vi pakkeforløpet.
 

 

 

​​​Pakkeforløp heim​

Alle pasientar som får ein kreftdiagnose, blir inkludert i pakkeforløp heim for pasientar med kreft. Gjennom pakkeforløpet går vi gjennom dei individuelle behova dine for tenester og oppfølging utover sjølve kreftbehandlinga.

Pakkeforløp heim for kreft (helsenorge.no)​



Behandling

Dersom du har kreft eller forstadium til kreft, planlegg vi no kva behandling som er best for deg. Ei avgjerd om behandling tar vi i samråd med deg, vanlegvis basert på vurdering i eit multidisiplinært teammøte.

Samval inneber at du mottek informasjon om fordelar og ulemper ved dei ulike alternativa. Så kan du saman med helsepersonell sjå desse opp mot kvarandre, ut ifrå kva som er viktig for deg.

Her er tre spørsmål du kan stille din behandlar:

  1. ​Kva alternativ har eg?
  2. Kva fordelar og ulemper er moglege ved desse alternativa?
  3. Kor sannsynleg er det at eg vil oppleve nokre av desse?

​Les meir om samval på helsenorge.no​​

 

For pasientar med peniskreft vil behandlinga stort sett vere operasjon. Enkelte ganger brukar ein cellegift i forkant av operasjon, såkalt neoadjuvant kjemoterapi. Forstadium til peniskreft vil bli behandla medikamentelt.
 
Kirurgisk inngrep på penis kan vere alt fra eit mindre inngrep som å fjerne forhuden eller laserbehandle, til større inngrep som amputasjon. Det er i dag mange kirurgiske teknikker som gjer god organsparing, og organsparing er eit av dei viktigste prinsippa i dag ved kirurgisk behandling av peniskreft. I nokre tilfelle vil ein da kunne oppretthalde  seksuell funksjon. Biverknadar kan inkludere tap av penislengde og nedsatt kjensle i penis. Det gjerast også ei vurdering av din vannlatingsfunksjon i forkant av kirurgi for å bevare best mogeleg vannlatingsfunksjon i det enkelte tilfelle.

Mistanke om spreiing

Dersom peniskreften spreier seg, vil dette skje via lymfebanar til lymfeknutar i lysken. Det er derfor viktig å få undersøkt disse skikkeleg. Ved mistanke om spreiing til lymfeknutar i lysken gjer vi ein såkalla vaktpostlymfeknute-diagnostikk (sentinel node). Dette er eit mindre inngrep kor ein bare fjerner ein eller nokre få lymfeknutar. 
 
Ved bekrefta spreiing til fleire lymfeknutar i lysken vil ein fjerne alle lymfeknutane i lysken (lyske glandeltoilett). 
 
Ved vaktpostlymfeknutediagnostikk blir den lymfeknuta eller dei lymfeknutane som ligg nærmast svulsten fjerna. Du får sprøyta inn ein liten mengde av et radioaktivt stoff ved siden av svulsten eller såret på penis. Dette stoffet vil så hjelpe kirurgen til å finne dei eller den lymfeknuta («vaktpostlymfeknuta») kor det er mest sannsynleg at det fins spreiing av kreftcellar. Denne lymfeknuta kan så bli fjerne med kirurgi.
 
Dersom det er spreiing til lymfeknutar i lysken, vil vi operere bort alle lymfeknutane i lysken på denne sida. Dette blir kalla lyskeglandeltoalette. Dette gjer vi for å forsøke å hindre at kreftcellar spreier seg videre i kroppen, og for å kartleggje kor mange lymfeknuter som innehalder kreftceller.
 
Ved påvist spreiing til lymfeknutar i lysken avheng det av kor omfattande spreiinga er. Nokre pasienter må da også fjerne lymfeknutar i bekkenet. I tillegg skal ein bli vurdert for kjemoterapi. Strålebehandling gjer vi vanlegvis ikkje med mindre det er snakk om palliasjon, altså symptomlinding. 

Langtkomme sjukdom

Cellegift og/eller strålebehandling er aktuelle behandlingsalternativ ved langtkomme sjukdom, og kor ein ikkje kan kurere kreften, såkalla palliativ behandling.

 

Oppfølging

Målet med oppfølging er å oppdage tilbakefall så raskt som mogleg. Dei første to åra skal det vere kontroll kvar tredje månad i 3 år, deretter kvar 3 månad i 1 år. Ved forstadium til kreft er det vanlegvis oppfølgjning kvar 3 månad i 1 år. Oppfølginga inneber klinisk undersøking og eventuelt ultralyd av lyskeområdet, avhengig av krefttype. CT og PETCT-undersøkingar er også aktuelt.

Oppfølginga blir gjort som eit samarbeid mellom spesialist og fastlege og kan vanlegvis bli avslutta etter 5 år. 

Det er viktig at du sjølv følger med og rapporterer om nyoppståtte symptomar i oppfølgingsperioden.

Rehabilitering og meistring ved kreftsjukdom

Det finst ei rekkje tilbod som kan vere til hjelp for å kome tilbake til kvardagen under og etter kreftsjukdom. Derfor er det viktig å tenkje rehabilitering og meistring av sjukdommen heilt frå sjukdomsstart og begynnelsen av behandlinga. Målet er å kunne fungere og leve med eller etter kreftsjukdom, med så god livskvalitet som mogleg. Det fins tilbod i form av kreftsykepleiar, psykolog, sosionom, sexolog og fysioterapeut i dag.

Rehabilitering og mestring ved kreftsjukdom






 




Ver merksam

Du bør ta kontakt med fastlegen eller avdelinga dersom du får nye sår på penis eller sår som ikkje vil gro. Du må også vere merksam på nyoppståtte kuler på penis og i lyskeområdet. Dette kan vere teikn på tilbakefall. 

Det er viktig at forhuda blir trekt tilbake når penis blir undersøkt.


Sist faglig oppdatert 04.02.2025

Kontakt

Haugesund sjukehus Urologisk avdeling

Kontakt Urologisk avdeling

Oppmøtestad

Du finn Urologisk poliklinikk i 1. etasje på Haugesund sjukehus. Vi er samlokalisert med kirurgisk poliklinikk. Ta kontakt med ekspedisjonen vår når du kjem.

Meld at du er komen via SMS-en du har fått, eller på automaten ved hovudinngangen til sjukehuset. 

Sjølvbetent innsjekk og betaling - Helse Fonna HF

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.