Diffusjonskapasitet er ei pusteprøve som måler evna til å transportere oksygen frå lungeblærene til hemoglobinet i dei raude blodlekamane.
Du pustar inn ein ufarleg testgass ved undersøkinga. Gass-konsentrasjonane blir både målt i lufta som går inn i lungene, og lufta du pustar ut. Ut frå endringar i gasskonsentrasjonane får vi eit mål på kor lett lungene kan ta opp oksygen frå lufta.
Undersøkinga blir særleg brukt ved undersøking og utgreiing av sjukdommar som påverkar lungevevet, for eksempel lungefibrose og emfysem.
Det er ingen smerter forbunde med undersøkinga. Den tar om lag fem minutt.
Før
Unngå å røyke den dagen du skal til undersøking.
Du kan ta medisinane dine som vanleg.
Du skal helst ikkje ete eit større måltid eller ha anstrengt deg mykje den siste timen før undersøkinga.
Bruker du tilførsel av oksygen, kan det vere aktuelt å vere utan 15 minutt før undersøkinga.
Under
Først måler du høgde utan sko, og så veg du deg. Tettsitjande beinklede og/eller belte må du losne.
Du sit på ein stol og får på ei neseklype. Munnen blir lagt rundt eit munnstykke, og du pustar naturleg inn og ut gjennom dette. Det er viktig at det ikkje er lekkasje av luft gjennom nasen eller rundt munnstykket.
Når du får beskjed, tømmer du lungene heilt for luft. Deretter fyller du lungene maksimalt med luft/testgass og held pusten i om lag ti sekund, før du i vanleg pustetempo tømmer lungene heilt.
Etter
Etter undersøkinga vil legen tolke verdiane i samband med dei utrekna og forventa verdiane og sjå dette i samanheng med sjukdomsbildet og andre undersøkingar.
Vi har felles ekspedisjonsluke med hjertepoliklinikken i 2. etasje. Dersom du tar heisen ved resepsjonen i 1. etasje, finn du luka vår i korridoren til høgre når du kjem ut av heisen.
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Ta med den faste medisinen du brukar. Det kan ta tid å få same medisin frå apoteket.
Diverre hender det at tjuveri finn stad på sjukehuset. La verdisaker vere igjen heime.
Ta med behagelege klede.
Gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Toalettsaker som tannbørste, tannkrem, kam, deodorant og eventuelt barbermaskin. Hjelpemiddel du er avhengig av: til dømes stokk, krykker, rullator og rullestol.
God hygiene ein viktig faktor for å kunne gje god behandling til pasientane.
Det er ikkje minibank ved sjukehuset. Narvesen i første etasje har bankterminal med moglegheit for uttak av pengar ved kjøp. Det er bank og minibank i Haugesund sentrum.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
