Vi tilrår at du alltid nyttar siste versjon av nettlesaren din.
Rehabilitering – Arbeidsvurdering etter erverva hjerneskade
Ein erverva hjerneskade kan føre til både kognitive og fysiske utfall. Formålet med arbeidsvurdering er å greie ut moglegheiter for å komme tilbake til arbeid eller utdanning, heilt eller delvis, etter ein skade/sjukdom.
I planleggingsfasen før ei arbeidsvurdering vil ein pasientkoordinator ta kontakt for å avklare ein del spørsmål og innhente samtykke for eventuell kontakt med samarbeidspartar som er viktige for arbeidsvurderinga. Det blir innhenta ekstra opplysningar ved behov.
Under
Avhengig av funksjonen din møter du ulike yrkesgrupper samband med arbeidsvurdering:
Medisinsk vurdering av lege for å undersøke helsetilstanden din.
Vurdering av fysioterapeut for å undersøke motorikk og balanse, greie ut behov for hjelpemiddel og/eller tilrettelegging på arbeidsplassen.
Vurdering av ergoterapeut for å kartlegge tidlegare arbeidssituasjon, prøve ut praktiske oppgåver og greie ut behov for hjelpemiddel og/eller tilrettelegging på arbeidsplassen.
Nevropsykologisk vurdering for å greie ut kognitive funksjonar ved hjelp av observasjon, samtale og testar.
Hjelp frå sosionom for rettleiing med tanke på framtidig arbeid, informasjon om rettar og ytingar, hjelp til å fylle ut aktuelle søknader og kontakt med NAV og arbeidsgivar.
Etter
Ved slutten av opphaldet vil det vere eit oppsummeringsmøte der teamet legg fram relevante funn frå utgreiing og konsekvensar for funksjonsnivå og eventuelle hjelpebehov.
Pasient og pårørande/eksterne samarbeidspartnarar kan komme med innspel/spørsmål, utdjuping etc. undervegs. Det skal avklarast vidare samarbeid og oppfølging, og avklarast ansvar for eventuelle søknader til NAV, spesialisterklæringar og tilvisingar til eksterne instansar.
Rehabiliteringsdøgnposten er i 3.etasje i hovudbygget til Stord sjukehus. Fysikalsk medisinsk og rehabiliteringspoliklinikk held til i 1.etasje i gamle administrasjonsbygning (kvit trebygning).
Terapeuttenestane nytter trenings- og behandlingslokaler i 1.etasje i den kvite murbygningen til høgre for sjukehuset sin hovudinngang. Her finn du òg basseng.
Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.
OBS: Ved søk i reiseplanleggaren må du skrive «Fylkessjukehuset» dersom du skal til/frå Stord sjukehus eller Stord DPS, då dette er Skyss sitt haldeplassnamn for dette busstoppet.
Praktisk informasjon
Det er ikkje publikumsapotek på sjukehuset, men det er fleire apotek i og rundt Leirvik sentrum.
Måndag-sundag: 17.00-18.30
Det er eigne besøkstider og reglar for føde og barsel.
Nærmaste daglegvare er Spar Ådland, Olvikvegen 52, 5416 Stord. 1.5 km med bil, 500 m til fots på gangsti bak ambulansestasjonen.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Publikumskantine finn du i underetasjen.
Opningstider:
Måndag-fredag kl. 11.00-14.00. Det er stengt i helger og på heilagdagar.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
Det er ikkje minibank ved sjukehuset. Nærmaste minibank Stord sjukehus: Sparebanken Vest, Leirvik sentrum.
Parkeringsplass for pasientar og besøkande ligg like utanfor sjukehuset, det er kort avstand for gåande. Parkering mot avgift.
Det er innført skiltgjenkjenningssystem på Stord sjukehus. Du får tilsendt faktura frå ParkPay etter inn- og utkøyring.
Pris for å parkere er 25 kroner i timen. Makspris for eit døgn er 155 kroner.
Det er mogleg å køyre heilt fram til hovudinngangen for å sleppe av passasjerar ved behov.
