Vi tilrår at du alltid nyttar siste versjon av nettlesaren din.

Søvndeprivert EEG

EEG (elektroencefalografi) er ei undersøking som registrerer den elektriske aktiviteten av hjernen. Ved hjelp av elektrodar festa på hovudet kan elektriske signal i hjernen registrerast i EEG-apparatet der dei til slutt blir behandla og kan sjåast i form av bølger på ein skjerm. Samtidig gjer vi eit videoopptak av deg. Videoen er eit supplerande hjelpemiddel som blir brukt under tolkinga av registreringa. Søvndeprivert EEG blir gjord etter ei natt utan søvn.

Søvndeprivasjon betyr at du blir fråtatt moglegheita for søvn. Vaksne personar skal ikkje sove i det heile natta før undersøkinga. Barn kan sove i inntil 4 timar natta før undersøkinga. Små barn som søv på dagtid (inntil 3 år), kan sove som normalt natta før undersøkinga, men blir undersøkte på dagtid like før vanleg sovetid.

Sovetida for dei aller minste kan gjerne utsettast 1–2 timar, men barnet må ikkje sove like før undersøkinga. EEG etter søvndeprivasjon blir gjord fordi søvndeprivasjon aukar sjansane for unormale funn i undersøkinga.

Tilvising og vurdering

Ein pleier å gjere vanleg EEG først før legen eventuelt viser vidare til søvndeprivert EEG. Som regel er det lege i spesialisthelsetenesta som viser til søvndeprivert EEG.

For tilvisingar til Spesialsykehuset for epilepsi, sjå eigne tilvisingskriterium her

Før

Vaksne

  • Du må halde deg vaken heile natta før undersøkinga.
  • Ikkje drikk koffein- eller alkoholhaldig drikke etter kl. 18.
  • Du kan elles ete og drikke det du måtte ønske. Det er viktig at du har ete frukost før du kjem.
  • Ta faste medisinar som vanleg. Du må gi beskjed til EEG-teknikar om kva medisinar du har tatt før registreringa startar.
  • Håret bør vere reint for olje, hårspray, hårvoks og liknande.

Barn under 3 år

  • Undersøkinga skal takast når barnet har si faste sovetid på dagtid. Det er derfor viktig at de kontaktar oss og opplyser om når barnet pleier å bli trøytt på dagtid slik at vi kan sette opp ein time rundt det tidspunktet.
  • Barnet bør bli vekt cirka 2 timar før det pleier å vakne og haldast vaken fram til undersøkinga.
  • Det er viktig at barnet har ete før de kjem.
  • Ta faste medisinar som vanleg.

Barn 3–10 år

  • Barnet skal legge seg til vanleg tid, men skal vekkast kl. 03.00 og haldast vaken fram til undersøkinga.
  • Barnet kan ta faste medisinar som vanleg, men gi EEG-teknikaren beskjed om kva medisinar han/ho har tatt før registreringa startar.
  • Håret bør vere reint for olje, hårspray, hårvoks og liknande.

Generelt

  • Håret bør vere reint for olje, hårspray, hårvoks og liknande.
  • Ta med ei lue, kaps eller anna hovudplagg om du ønsker. Håret kan bli vått og klissete når elektrodepastaen blir vaska bort etter undersøkinga.
  • Nokre plassar er det moglegheit å nytte vaskerom for å vaske håret.

Under

Elektrodar blir festa med ein elektrodepasta til hovudbotnen. Pastaen held elektrodane på plass og sikrar god signaloverføring. Det er som oftast 35 elektrodar tilsaman. Etterpå ligg du uforstyrra på ein benk med lyset av i cirka éin time.

Undersøking av små barn

Det er avgjerande for undersøkinga at barnet ligg eller sit heilt i ro mens elektrodane blir festa. Det er derfor fint om vaksne følger dei minste barna. Små barn kan sitte på fanget mens vi festar på elektrodane. Ta gjerne med noko som kan hjelpe til med å halde barnet roleg, for eksempel ei flaske med drikke, smokk, leiker, bøker, iPad eller liknande.

I starten av undersøkinga er det vanleg å framkalle spesielle former for hjerneaktivitet ved at du pustar djupt i tre minutt. Undersøkinga tar som regel 1,5 til 2 timar.

Etter

Resultatet av undersøkinga blir sendt til legen/avdelinga som har tilvist deg.

Sist faglig oppdatert 11.04.2025

Kontakt

Haugesund sjukehus Nevrologisk avdeling

Kontakt Nevrologisk avdeling

Oppmøtestad

Nevrologisk sengepost

Vi held til i 5. etasje på Haugesund sjukehus. Bruk heisen ved Narvesen kiosken for å kome til oss.

Besøkstider - Helse Fonna HF

Nevrologisk poliklinikk

Vi held til i 6. etasje på Haugesund sjukehus. Bruk heisen ved Narvesen kiosken for å kome til oss.

Sjølvbetent innsjekk og betaling - Helse Fonna HF

En høy vinkel av en bygning

Haugesund sjukehus

Karmsundgata 120

5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Ordinære besøkstider (visittider) er kl. 17.00 - 18.30 alle dagar.

Sjå retningslinjer for besøk

Eigendel

Du får dekka deler av utgiftene dine ved behandling hos lege, på poliklinikk eller andre behandlingsinstitusjonar, men du må betale ein eigendel. Frikort for helsetenester får du når du har betalt over eit visst beløp i eigendelar. Det er ulike eigendelar avhengig av helseteneste.

Eigendelar for helsetenester - Helsenorge

Frikort

Du får frikort for helsetenester når du har betalt over eit visst beløp i eigendeler. Når du viser frikort, slepp du å betale eigendelar for resten av kalenderåret.

Frikort for helsetjenester - Helsenorge

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for pasientar, besøkande og tilsette.

Opningstider kantine

Måndag - fredag kl. 09.30-15.30. Stengt i helger og på heilagdagar.

Pasientkantine i 4 og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.

Du finn ein Narvesen kiosk i 1.etasje

Opningstider kiosk

Måndag-fredag: 06.30-21.00 
Laurdag: 09.00-20.00
Søndag: 10.00-20.00 

​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.

Haugesund

  • Måndag til onsdag kl. 07.30 - 14.15
  • Torsdag kl. 07.30 - 16.30.
  • Fredag kl. 07.30 - 13.00.

Oppmøtestad: Haugesund sjukehus.

Telefon: 52 73 22 81.  

Blodbanken Haugesund

Stord

Måndag til fredag kl. 08.30 - 15.00. 

Oppmøtestad: Stord sjukehus.

Telefon: 53 49 10 90.  

Blodbanken Stord

Odda

Måndag til fredag kl. 08.00 - 15.00. 

Oppmøtestad: Odda sjukehus.

Telefon: 91 24 59 96 / 53 65 11 23.  

Blodbanken Odda

Sauda

Vi har ein tappestasjon i Sauda. Kontakt oss på telefon: 52 73 22 81.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Sjukehusområdet er røykfritt.

Inneliggande pasientar kan ta kontakt med helsepersonell ved si avdeling ved behov for nikotinprodukt.

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.