Vi tilrår at du alltid nyttar siste versjon av nettlesaren din.

Undersøkelse, evt. fjerning av testikkel

Dersom du har ein nyoppdaga svulst i testikkelen, må du gjennom ein operasjon som er kalla orchiektomi. Funna som blir gjort under operasjonen, avgjer om det er nødvendig å fjerne testikkelen. Operasjonen blir gjort via eit snitt i lysken. Vanleg bedøving er narkose, eventuelt spinalbedøving.

Før

Før operasjonen

Før operasjonen skal du ha samtale med sjukepleiar, anestesilege og kirurg som informere deg om sjølve operasjonen. Her får du også tilbod om sædbanking, det vil seie nedfrysing av sæd, og eventuelt tilbod om testikkelprotese.

Vi tar blodprøvar og urinprøve.

Dersom det er mistanke om testikkelkreft vil det bli tatt ein CT, vanlegvis før operasjonen.

Operasjonsdagen

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Frem til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

Mat og mjølk/mjølkeprodukt: Skal stoppast 6 timer før
Klare væsker, tyggegummi, drops, røyk og snus: Skal stoppast 2 timer før

Dersom du likevel har ete eller drukke utanom dei tidene som står her må personalet få vite det.

Før enkelte inngrep skal du drikke ein bestemt mengde næringsdrikk.Det får du i så fall beskjed om. ​

På sjukehuset blir du bedt om å dusje og fjerne hår frå operasjonsfelt.
Du får tilbod om roande og smertestillande medisinar

Under

Operasjonen blir gjort via eit snitt i lysken. Vanleg bedøving er narkose, eventuelt spinalbedøving. 

Funna som blir gjort under operasjonen, avgjer om det er nødvendig å fjerne testikkelen. Hvis vi må fjerne testikkelen, kan du i dei fleste tilfelle få tilbod om testikkelprotese.






Etter

Etter operasjonen ligg du på avdelinga til bedøvinga har gått ut.

Så lenge du ikkje er plaga av kvalme, får du mat på ettermiddagen. Du bør vere mest mogeleg i ro den dagen du har operert. 

 

Ved heimreise

  • Som regel får du reise heim dagen etter operasjonen.
  • Det er vanlegvis ikkje nødvendig med sårskift heime, bortsett frå ved dusjing. 
  • Hvis vi har er sydd med utvendige sting, blir disse fjerna hos fastlegen cirka ti dager etter operasjonen.  
  • Unngå tunge løft og harde fysiske anstrengjingar den første månaden etter operasjonen. 
  • Vidare behandling / kontrollavtalar blir bestemt i kvart enkelt tilfelle. Om det blir påvist testikkelkreft blir du følgt opp videre av kreftavdelinga.
  • Eventuell sjukemelding og resepter får du ved utreise. 


Ver merksam

Får du smerter, feber eller at det siver væske fra såret, må du kontakte fastlegen.

Sist faglig oppdatert 23.04.2021

Kontakt

Haugesund sjukehus Urologisk avdeling

Kontakt Urologisk avdeling

Oppmøtestad

Du finn Urologisk poliklinikk i 1. etasje på Haugesund sjukehus. Vi er samlokalisert med kirurgisk poliklinikk. Ta kontakt med ekspedisjonen vår når du kjem.

Meld at du er komen via SMS-en du har fått, eller på automaten ved hovudinngangen til sjukehuset. 

Sjølvbetent innsjekk og betaling - Helse Fonna HF

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.