Akuttmottak, Stord

I akuttmottaket vurderer vi kor alvorleg tilstanden til pasienten er. Nokre gonger kjem det inn svært sjuke eller skadde pasientar som treng augeblikkeleg hjelp. 

Du vil bli møtt av sjukepleiar og lege, som vil undersøke og kartleggje din situasjon. 

Viss du ikkje er alvorleg sjuk eller skadd, må du berekne noko ventetid før du får snakke med ein lege.

På akuttmottaket har vi mange leger med ulike fagområde. Pasientar blir vist til ulike legar og tidspunkt, avhengig av kva type medisinsk kompetanse ein treng. 

Vi har ikkje eit standard køsystem for behandling. Vi behandlar dei sjukaste først. 

Basert på SATS-verktøyet gjer vi ei kort førehandsvurdering og prioritering av alle pasientar for å avgjere hastegraden. Det vil bli gjort ei rask undersøking og sett ei fargekode. Ventetida er avhengig av fargekoden din og talet på pasientar i mottaket. Målet vårt er at prioriteringa skal vere utført innan 15 minutt. 

Gjennomsnittleg ventetid for behandling er om lag tre timar, men kan vere noko lengre i travle periodar.

Fargekodar

Rød

Akutt - tilnærma ingen ventetid.

Oransje

Hastar - du skal raskt bli sett til av lege.

Gul

Hastar litt - dette gjeld deg som er sjuk eller skada, men utanfor umiddelbar livsfare.

Grøn

Hastar ikkje - gjeld deg som er sjuk eller skada, men ikkje nødvendigvis treng medisinsk hjelp umiddelbart.

Blå

Du har blitt vist til skadepoliklinikken, og du har ei tilstand som tilseier at du ikkje treng ein full hastegradsvurdering. Du vil bli tatt imot etter kvart som legane er ledige.

Sei i frå viss tilstanden din forandrar seg. Vi gjer så godt vi kan for å hjelpe deg og andre pasientar.

I møte med lege og sjukepleiar vil det bli gjort undersøkingar som det kan ta tid å få svar på. Det kan vere behov for å ta ulike prøvar, og det kan vere noko ventetid. Eksempel på typar prøvar kan vere blodprøvar, CT, røntgen eller ultralyd. 

Etter at undersøkingane er ferdig, vil du enten bli utskriven eller innskriven til vidare behandling på sjukehuset. 

Vi har alltid ulike team på vakt. Dei blir varsla og mobilisert når det kjem pasientar med alvorleg sjukdom, eller som har vore ute for alvorlege ulykker eller skader.

I Helse Fonna har vi fem ulike typar team:

• Traumeteam* som behandlar personar som ha vore ute for alvorlege ulykker eller skader. Eksempel kan vere trafikkulykker eller drukning.
• Team for hjartestans.
• Eit medisinsk akutt-team for ustabile pasientar som ikkje har vore utfor ulykker.
• Eit team for hjerneslag.

*Traumeteamet som handterer alvorlege ulykker eller skader består av kirurg, ortoped, anestesilege, anestesisjukepleiar, operasjonssjukepleiar, mottakssjukepleiar, radiograf, radiolog og bioingeniør. Alle i traumeteamet har sine spesialiserte oppgåver. 

Vi tar i mot sjuke barn som treng å bli stabiliserte før dei blir sende vidare til Haugesund sjukehus eller Haukeland universitetssjukehus.

Vi handterer òg barn med kirurgiske problemstillingar, som magesmerter, ortopediske tilstandar som brot, eller barn som må overvakast i kortare periodar.

På akuttmottaket er vi i underkant av 30 sjukepleiarar. Mange arbeider 12-timars vakter, og fleire har spesialutdanning innan akuttsjukepleie og intensivsjukepleie.

Pasientar som kjem til oss blir tekne imot og følgde opp av legar med spesialisering innan medisin, kirurgi og ortopedi.

Pasientar som ikkje kjem med ambulanse kan parkere på parkeringsplassen ved sjukehuset. Det er ikkje lov å parkere utanfor akuttmottaket, då dette området er reservert for ambulansar.

Les meir om Parkering - Helse Fonna HF

Gjennomsnittleg ventetid for legekonsultasjon er 3-4 timar. Ventetida varierer avhengig av kor alvorleg skadd eller sjuk du er, ledig kapasitet og kor mykje folk det er på akuttmottaket.

Vi har ikkje fast matservering, men det er mogleg å be om brødmat til pasientar. 

Du kan kjøpe mat i kantina i underetasjen på kvardagar mellom klokka 10.30-13.30. Du finn også automatar i gangen i 1. etasje.

Du kan bruke nettverket gjest.ihelse.net.

Du vil få beskjed om å legge inn mobilnummeret ditt, deretter får du tilsendt eit brukarnamn og passord for å logge inn.

Sjå eiga side om trådlaust nett 

Dersom du er på venterommet, kan du ta kontakt ein av dei tilsette som er på vakt. 

Viss du har blitt utskriven, kan du kontakte sentralbordet, avdelinga der du var innlagt på, eller fastlege.   

Om du ønskjer meir informasjon om helsehjelp, rettar, sjukdom eller diagnose kan du lese om dette på https://www.helsenorge.no/sykdom

Kvalitetssikra informasjon om behandling finn du på behandlingssidene våre.