Vi tilrår at du alltid nyttar siste versjon av nettlesaren din.
Høyrselstest hos barn
Val av testmetodar ved utgreiing av høyrselstap hos barn er avhengig av alderen og evna barnet har til å samarbeide. Det kan vere aktuelt å nytte fleire testar for å komme fram til eit ønskt resultat.
Før
For barn som er store nok til å forstå er det ein fordel om foreldra snakkar med barnet før timen, slik at barnet er førebudde på kva som skal skje.
Under
Når vi skal i gang med undersøkinga prøver vi å få kontakt og skape tryggleik for barnet ditt. Testen blir utført på følgjande måte:
Vi kikkar i øyra med ei lommelykt (otoskop)
Ein mjuk silikonpropp som lagar lyd og trykk, blir sett mot øyregangen
Barnet får presentert ulike lydar i proppen og vi observerer eventuell reaksjon
Hovudtelefonar eller høgtalarar vil så nyttast for å presentere lydar eller ord
Om barnet ikkje kan eller ønskjer å medverke til denne typen høyrselstesting kan vi teste høyrselen med ulike måleinstrument.
Barn 0–3 år
For barn i alderen 0–3 år kan vi nytte følgjande målingar:
Tympanometri
Otoakustiske emisjonar OAE
Visual Response Audiometry (VRA)
Hjernestammeaudiometri (ABR)
Barn 3–6 år
For barn i alderen 3–6 år kan vi nytte følgjande målingar:
Tympanometri
Otoakustiske emisjonar OAE
Lekeaudimetri
Tympanometri
Ved tympanometri får barnet ein liten propp i øyregangen. Tympanometri blir nytta for vurdering av mellomøyrefunksjonen.
Sjølve målinga medfører ikkje ubehag for pasienten. Det kan opplevast som eit lite dottsanseinntrykk, men det hender at barnet motset seg å få proppen sett inn i øyregangen.
Testen blir nytta på alle aldersgrupper.
Otoakustiske emisjonar OAE
Dette er ei objektiv høyrselsmåling der vi testar funksjonen til det indre øyret. Denne testen blir også brukt til høyrselsscreening av alle nyfødde.
Testen blir gjennomført ved å setje ein liten propp i øyregangen til barnet og sende klikkelydar inn i øyret. Desse klikkelydane genererer under normale forhold ein respons i dei såkalla hårcellene i det indre øyret som blir fanga opp av måleutstyret.
Visual Response Audiometry (VRA)
Ved VRA blir høyrselen testa ved at barnet snur seg mot eit bilete eller ei leike som respons på ein lydstimulus. Denne testen blir utført på dei minste barna, før dei er modne nok for å samarbeide til lekeaudiometri.
Hjernestammeaudiometri (ABR)
Ved ABR blir testa den elektriske responsen til sentralnervesystemet på at øret blir eksponert for lyd. Elektrodar blir tapte på huda og det blir proppar plasserte i øyregangane.
Dei minste barna kan undersøkjast sovande, medan eldre barn som oftast må undersøkjast i narkose.
Lekeaudiometri
Høyrselsmåling blir kalla audiometri. Høyrselen blir undersøkt ved å registrere responsen til pasienten på ulike tonefrekvensar og lydstyrke. Resultatet blir presentert i eit audiogram.
Først øver ein saman med barnet, men etter kvart skal barnet åleine respondere på lyden. Eitt øre blir testa av gongen. Kor mange frekvensar som blir testa varierer, då dette avheng kor godt barnet samarbeider.
Etter
Om det er behov for vidare utgreiing, behandling og oppfølging avheng av resultata av undersøkinga.
Haugesund: ØNH-avdelinga og høyrselsentralen held til i 1. etasje ved Haugesund sjukehus. Bruk hovudinngangen og gå forbi resepsjonen og sjukehusapoteket. Du finn oss i enden av korridoren.
Stord: Høyrselsentralen ligg i 1. etasje i den kvite bygningen ved sida av hovudbygget.
Odda: ØNH-poliklinikken ligg i 1. etasje på Odda sjukehus. Poliklinikken har eige venterom.
Ved tilpassing av høyreapparat, anbefaler vi at pasienten har med seg følge/pårørande.
Kystbussen har terminal i Leirvik sentrum, sjå www.kystbussen.no for ruteinformasjon. Herfrå går det lokalbuss til sjukehuset og DPS-et. Meir informasjon om rutetider for lokalbuss finn du på www.skyss.no.
Praktisk informasjon
Apoteket ligg i første etasje, like bak resepsjonen.
Opningstider:
Måndag-fredag kl. 08.00-16.30.
Det er ikkje publikumsapotek på sjukehuset, men det er fleire apotek i og rundt Leirvik sentrum.
Måndag-sundag: 17.00-18.30
Det er eigne besøkstider og reglar for føde og barsel.
Viss du fått beskjed om å ta blodprøvar, kan du gå til laboratoriet i underetasjen (U-etasje) på Odda sjukehus.
Opningstider: kvardagar kl. 09.00-14.00
Trekk kølapp når du kjem.
Nokre pasientar/pasientgrupper blir prioritert for blodprøvetaking og vi ber om forståing for det.
Nærmaste daglegvare er Spar Ådland, Olvikvegen 52, 5416 Stord. 1.5 km med bil, 500 m til fots på gangsti bak ambulansestasjonen.
Næraste daglegvare er Bunnpris, 700 meter frå sjukehuset. Adressa er Hjøllo 1, 5750 Odda.
Logg inn på helsenorge.no for å endre eller avbestille time. Dersom det er mindre enn to arbeidsdagar til timen din, må du kontakte kontaktsenteret vårt på telefon 52 73 90 00.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Meld deg i ekspedisjonen ved hovudinngangen i 1. etasje når du kjem. Du kan betale i luka eller med Vipps.
Kantina i 6.etasje er open for tilsette, pasientar og besøkande.
Opningstider: Måndag - fredag kl. 09.30-15.30. Stengt helger og heilagdagar.
Pasientkantine i 4-og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.
Måndag-fredag kl. 11.00-14.00. Det er stengt i helger og på heilagdagar.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
Pasientar med behov for overnatting kan ta kontakt med kontaktsenteret vårt på telefon 53 65 10 00. Du må gi beskjed i god tid på førehand.
Vi kan tilby rom med enkel standard i vårt hybelhus, som ligg ca. 50 meter frå sjukehuset. Rommet har telefonforbindelse med kirurgisk overvakingspost. Det har også ei ekstra seng dersom du har med deg pårørande.
I hybelhuset er det tilgang til felles kjøkken og bad. Har du behov for kveldsmåltid, må dette bringast med.
Du hentar nøklar i ekspedisjonen, som ligg rett ved hovudinngangen i 1. etasje på sjukehuset. Ekspedisjonen er betjent frå kl. 07.30 til 18.00 måndag til fredag. Kjem du etter kl. 18.00, kan du ringe på døra. Personalet vil då kome for å hjelpe deg.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
