Vi tilrår at du alltid nyttar siste versjon av nettlesaren din.
Intravitreal injeksjon (IVI)
Intravitreal injeksjon (IVI) er ei sprøyte med ein liten dose legemiddel, som blir sett direkte i auget.
Hensikten med behandlinga er å bremse ytterlegare tap av det sentrale synet.
Injeksjonen verkar ved å stanse utviklinga av nye blodkar som veks bak netthinna. Dei fleste pasientar vil oppleve at synet held seg på same nivå. Nokre pasientar opplever å få betre syn etter behandlinga, hos nokre blir synet dårlegare likevel.
Før
Før injeksjonen vil du få lokalbedøvande augedropar.
Under
Først blir området rundt auget vaska med eit mildt desinfiserande middel for å førebygge infeksjon. Auget blir halde ope ved hjelp av ei augelokksperre, og du får injeksjonen i den kvite delen av auget.
Dei fleste pasientar opplever dette problemfritt. Nokre pasientar kan kjenne eit lett trykk på auget når sprøyta blir sett.
Etter
Nokre opplever forbigåande svie. Du blir truleg raud i den kvite delen av auget, der injeksjonen blei sett. Mange opplever også at dei ser bevegelege partiklar eller «svarte flekkar» i synsfeltet. Dette er normalt, og symptoma vil vanlegvis bli borte i løpet av eit par dagar.
Det er viktig med god handhygiene og at du ikkje klør og gnir deg i auget i dagane etterpå.
Ver merksam
Opplever du aukande smerter eller ubehag, at du er hoven, aukande raudne, uklart syn, aukande lysfølsemd eller tørrleik i auget, må du kontakte oss så raskt som mogleg.
Du finn oss i 4. etasje på Haugesund sjukehus. Ta heisen ved resepsjonen. Når du kjem ut av heisen, går du til høgre og følgjer gangen til ventesone 4C.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for pasientar, besøkande og tilsette.
Opningstider kantine
Måndag - fredag kl. 09.30-15.30. Stengt i helger og på heilagdagar.
Pasientkantine i 4 og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
Vi har ein tappestasjon i Sauda. Kontakt oss på telefon: 52 73 22 81.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
