Vi tilrår at du alltid nyttar siste versjon av nettlesaren din.
H.M. Kong Harald V
1937–2026
Perifere nerveblokadar (lokalbedøving)
Lokalanestesi (lokalbedøving, regionalbedøving) blir ofte nytta i samband med kirurgiske inngrep og prosedyrar. Lokalbedøvingsmiddel verkar ved å hindre at nervesignal frå eit smertefullt område i kroppen når sentralnervesystemet. Ein kan setje lokalbedøving i det området ein skal operere, men av og til er ikkje dette den beste løysinga. Då kan ein setje bedøvingsmiddelet inntil dei store nervebanane som fører smertesignal frå operasjonsstaden, slik at ein bedøver til dømes ein heil arm. Regionalbedøving blir gitt som oftast av anestesilegar før inngrepet.
Før
Førebuinga til regionalbedøvinga er som for annan type kirurgi. Somme gonger er det ikkje mogleg å oppnå tilfredsstillande verknad av regionalbedøving, derfor har ein alltid som ein reserveplan å gi generell narkose.
Etter
Som oftast blir eit langtidsvirkande bedøvingsmiddel nytta og det er ikkje uvanleg at smertelindringa varer opp mot eit halvt døgn eller meir. Skulle ein etter ei slik bedøving oppleve at innstikkstaden blir raudt og hovent, og/eller at ein får feber og generell sjukdomskjensle, må ein ta kontakt med lege.
Det er uvanleg at ein får infeksjon forårsaka av ein nerveblokade, men det kan skje.
Pasienter som skal opererast, kan ha oppmøte på eitt av desse stadene:
Operasjonsavdeling (dagkirurgi), 1. etasje i vestblokka
Sengeposten/avdelinga (avhengig av type behandling)
ØNH-poliklinikken, 1. etasje i austblokka
NB! Sjekk innkallingsbrevet. Der står det kvar du skal møte opp.
Er du i tvil, kontakt resepsjonen til operasjonsavdelinga i 1. etasje. Når du kjem inn hovudinngangen, gå til høgre, forbi Narvesen-kiosken og vidare inn til operasjonsavdelinga. Der finn du resepsjonen vår.
Registrering ved oppmøte
Du melder oppmøtet ditt via SMS-en du har fått på telefon, eller på automaten ved hovudinngangen.
Meld deg deretter i resepsjonen i operasjonsavdelinga for å seie frå at du har kome. Vent i ventesona til du blir kalla inn.
Slik finn du fram til oss
Bilde 1/5
Når du kjem inn hovudinngangen på Haugesund sjukehus, ta til høgre og gå forbi Narvesen-kiosken, heisane, og rett fram innover gangen i nybygget (mot vest).
Då kjem du til denne gangen i vestblokka. Fortset å gå rett fram.
Følg skiltet til operasjonsavdelinga.
Når du kjem til resepsjonen vår, ta kontakt for å seie frå at du er komen.
Deretter går du til ventesone operasjon.
Slik finn du fram til oss
Bilde 1/5
Bildegalleri fullskjermvisning
Når du kjem inn hovudinngangen på Haugesund sjukehus, ta til høgre og gå forbi Narvesen-kiosken, heisane, og rett fram innover gangen i nybygget (mot vest).
Då kjem du til denne gangen i vestblokka. Fortset å gå rett fram.
Følg skiltet til operasjonsavdelinga.
Når du kjem til resepsjonen vår, ta kontakt for å seie frå at du er komen.
Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.
På helsenorge.no finner du informasjon om timen din i innkallingsbrevet.
Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det.
Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.
Kantina i 6.etasje er open for pasientar, besøkande og tilsette.
Opningstider kantine
Måndag - fredag kl. 09.30-15.30. Stengt i helger og på heilagdagar.
Pasientkantine i 4 og 5.etasje er kun open for pasientar.
Fleire av sengepostane har eigne spiserom med enkel sjølvbetening for inneliggande pasientar. Ta kontakt med avdelinga du høyrer til.
Ta med den faste medisinen du brukar. Det kan ta tid å få same medisin frå apoteket.
Dessverre kan tjuveri finne stad på sjukehuset. La verdisaker vere igjen heime.
Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.
Ta med toalettsaker som tannbørste, tannkrem, kam, deodorant og eventuelt barbermaskin. Hugs også hjelpemiddel du er avhengig av: til dømes stokk, krykker, rullator og rullestol.
God hygiene er ein viktig faktor for å kunne gi god behandling til pasientane.
Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.
Parkeringshuset har tre ladeuttak.
Reserverte parkeringsplassar
Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.
Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.
Parkeringsavgift
Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på p-automatane.
Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.
