Pulsårane til hjartet forsyner hjartemuskelen med oksygenrikt blod. Når desse blodårane blir for tronge, får hjartemuskelen tilført for lite oksygen og det oppstår smerter i brystet. Dette blir kalla angina pectoris. Tronge hjartepulsårar kan behandlast med utblokking, koronarkirurgi, eller medikament.
Din eigen lege tilviser til spesialistutgreiing, og vanlegvis vil du bli greidd ut innan 12 veker.
I ventetida før utgreiing skal du leve som normalt, men unngå harde fysiske belastingar inntil denne tilstanden er nærmare avklart. På sjukehuset vil hjartespesialist bruke arbeids-EKG og ultralyd av hjarte for å vurdere behov for oppstart av behandling, og eventuelt vidare utgreiing.Utgreiinga kan bestå av røntgenundersøkingar i form av CT eller koronar utgreiing.
Dersom det blir påvist tronge kransårar, kan dette behandlast med utblokking av tronge kransårar eller koronarkirurgi. For alle pasientar med tronge kransårar er det aktuelt med medikamentell behandling og eventuelt endring av livsstilen.
Etter at diagnosen er stilt og behandling sett i verk av hjartespesialist vil oppfølging vanlegvis vere hos eigen lege.
MIO held til i Vestblokka. Gå inn hovudinngangen på Haugesund sjukehus, ta heisen ved Narvesen kiosken til 2. etasje. Gå til høgre og ring på ringeklokka.
Karmsundgata 120
5528 Haugesund