Vi tilrår at du alltid nyttar siste versjon av nettlesaren din.

Urinveisinfeksjon

Urinvegsinfeksjon er ein infeksjon med bakteriar i urinvegane. I nokre tilfelle er infeksjonen berre i urinblæra og urinrøyret, da blir det ofte kalla blærekatarr. I alvorlegare tilfelle kan infeksjonen spreie seg til øvre urinvegar og nyrene, og blir da kalla øvre urinvegsinfeksjon eller nyrebekkenbetennelse.

Urinveisinfeksjon (blærekatarr) - Les meir på helsenorge.no

Urinveisinfeksjon hos barn - Les meir på helsenorge.no

Symptom

Dei vanlegaste symptoma på blærekatarr er

  • hyppig vannlating
  • sviande vannlating
  • ubehag i nedste del av magen og eventuelt i ryggen

Ved nyrebekkenbetennelse har ein same symptom som ved blærekatarr, men som regel også feber og i nokre tilfelle kvalme og oppkast.

Blærekatarr blir kalla ukomplisert dersom pasienten er kvinne, elles frisk og ikkje gravid. Hos menn blir urinvegsinfeksjon alltid rekna som komplisert.

Ukomplisert blærekatarr kan hos nokon gå over av seg sjølv, men det er vanleg å behandle med antibiotika ved plagsame symptom. Ukomplisert blærekatarr blir behandla hos fastlege, men i nokre tilfelle vil kompliserte infeksjonar kunne krevje innlegging i sjukehus.

Tilvisande lege eller andre helsetenester bør vurdere følgande forhold:

  • Første gongs infeksjon?
  • Tilbakevendande infeksjonar?
  • Hyppigheit?
  • Kompliserande faktorar (diabetes, MS, urinkateter etc.)?
  • Kjent resistensproblematikk?
  • Symptomvarigheit og behandlingsforsøk?
  • Sikra bakteriologisk undersøking før behandling?
  • Medikamentallergiar?
  • Graviditet?

Utgreiing

Om du blir innlagd på sjukehus på grunn av urinvegsinfeksjon, blir du først vurdert av lege som går gjennom sjukehistoria di og undersøker deg. Det vil bli tatt bakterieundersøking av urinen og blodprøver for å bekrefte diagnosen eller utelukke anna forklaring på symptoma.

I dei tilfella det trengst innlegging vil det som regel vere aktuelt å få gjennomført ein ultralyd av urinvegane for å sjå etter disponerande årsaker til infeksjon eller komplikasjonar.

Urinprøve
Blodprøve

Behandling

Urinvegsinfeksjon blir vanlegvis behandla av fastlege med antibiotika i 3 dagar for kvinner som ikkje er gravide, eller 5 dagar hos menn eller gravide kvinner.

I dei tilfella det trengst sjukehusinnlegging vil antibiotikabehandling vanlegvis givast rett i blodet (intravenøst) i starten. Når tilstanden er i betring vil ein bli skriven ut, ofte med tablettbehandling for å fullføre antibiotikakuren heime.

Oppfølging

Ved innlegging er det vanleg å vere innlagd i 1–3 døgn før utskriving med tablettbehandling. I nokre tilfelle vil behovet for behandling på sjukehus vare lenger.

Av og til er det behov for kontroll hos fastlege etter behandlinga.

Ver merksam

Ved tilbakefall av symptom eller ved feber, ta kontakt med fastlege/legevakt.

Sist faglig oppdatert 16.02.2026

Kontakt

Haugesund sjukehus Urologisk avdeling

Kontakt Urologisk avdeling

Oppmøtestad

Du finn Urologisk poliklinikk i 1. etasje på Haugesund sjukehus. Vi er samlokalisert med kirurgisk poliklinikk. Ta kontakt med ekspedisjonen vår når du kjem.

Meld at du er komen via SMS-en du har fått, eller på automaten ved hovudinngangen til sjukehuset. 

Sjølvbetent innsjekk og betaling - Helse Fonna HF

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Transport

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Praktisk informasjon

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

Parkering i Haugesund sentrum

Sjå P-kart - Haugesund Parkering

 

Du kan endre timen din inntil 48 timar før oppmøte. Dette kan du gjere på helsenorge.no eller ved å kontakte oss på telefon 52 73 90 00. Kontaktsenteret vårt er opent kl. 07.30 – 15.30.

På helsenorge.no finner du informasjon om timen din i innkallingsbrevet.

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Mange pasientar og pårørande ønskjer å ta bilete eller video som eit minne frå tida på sjukehuset. Dette er sjølvsagt heilt greit, så lenge det er pasienten eller pårørande og vener det blir teke bilete av.
 
Det er ikkje lov å ta bilete av medpasientar eller tilsett ved sjukehusa. Vi har hatt fleire saker der bilete av medpasientar og tilsette har blitt publiserte på sosiale medium utan at dei har gjeve løyve om det. 

Vi håpar at du syner respekt for personvernet til alle du møter under opphaldet ved sjukehuset, og at du bare tar bilete av eigen familie og vener.​

​Kantina i  6.etasje er open for tilsette, pasientar og besøkande.

Opningstider:
Måndag - fredag kl. 09.30-15.30. Stengt helger og heilagdagar.

Pasientkantine i 4-og 5.etasje er kun open for pasientar.

Fleire av sengepostane har eigne spiserom med enkel sjølvbetening for inneliggande pasientar. Ta kontakt med di avdeling.

Det ligg ein Narvesen kiosk i 1.etasje

Opningstider:
Måndag - fredag kl. 06.30-21.00
Laurdag: 9.00-20.00
Søndag: 10.00-20.00 




​​​​​​​​​Ta med den faste medisinen du brukar. Det kan ta tid å få same medisin frå apoteket.

Dessverre kan tjuveri finne stad på sjukehuset. La ​verdisaker vere igjen heime.

Ta med behagelege klede og gode innesko som er stødige og lette å ta på. Av hygieniske grunnar er det ikkje tillate å gå barbeint på sjukehuset.

Ta med toalettsaker som tannbørste, tannkrem, kam, deodorant og eventuelt barbermaskin. ​Hugs også hjelpemiddel du er avhengig av: til dømes stokk, ​krykker, rullator og rullestol.

God hygiene er ein viktig faktor for å kunne gi god behandling til pasientane.