Lunge poliklinikk

Arteriell blodgass er ein blodprøve som blir brukt til å vurdere lungefunksjon og balansen mellom oksygen og kulldioksid i blodet. Denne typen blodprøve er litt spesiell fordi vi må ta blod frå ei arterie (pulsåre). Oftast bruker vi pulsåra som ligg i handleddet.

• Arteriell blodgass - Helse Fonna HF

Astmaskule er eit tilbod for deg som har fått ein astmadiagnose og ønskjer meir kunnskap om sjukdommen.

Kurset går over to dagar, med om lag ein månad mellom kvar kursdag. Kvar dag varer frå kl. 09.00 til 15.00.

Det er vanlegvis 10–15 deltakarar på kurset, og du kan gjerne ta med ein pårørande om du ønskjer det.

Vi legg inn små pausar undervegs, og ein lunsjpause der vi et lunsj saman.

Du vil få eit eige pasientskriv frå oss – dersom dette er aktuelt for deg.  

Lungefunksjonsmåling med bodybox er ein pusteprøve der du sit i eitt lufttett kammer og pustar i eitt munnstykke. Følsame sensorar registrerer trykkvariasjonar, både i luftvegane og i kammeret mens du pustar.  

• Bodybox (heilkroppspletysmografi) - Helse Fonna HF

Bronkoskopi gjer det mogleg å sjå og inspisere innsida av luftrøyret og bronkiane.

Eit tynt røyr, bronkoskop, med videokamera blir ført inn gjennom munnen via eit munnstykke som beskyttar skopet. Dette er eit bøyeleg røyr som blir ført ned i svelget, ned gjennom luftrøyret og ned i bronkiane.

Det er lungelege som gjennomfører undersøkinga saman med to sjukepleiarar.

Lungelegen kan sjå sår, tronge parti, svulstar, betennelsesforandringar, bløding og liknande.

Bronkoskopi kan også bli brukt til å ta vevsprøve (biopsi) av slimhinna, lymfeknutar langs pusterøyrene, såret eller svulsten.

• Bronkoskopi - Helse Fonna HF

Ergospirometri (CPET) er ei undersøking som måler oksygenopptak, lungefunksjon og arbeidskapasitet. Testen blir utført på tredemølle eller ergometersykkel for å bedømme yting under anstrengande aktivitet.

• Pusteprøve ergospirometri - Helse Fonna HF

Under gangtesten går du så langt som mogleg på 6 minuttar. Gangtesten måler kor mange meter du klarer å gå på flatt underlag i 6 minuttar, og viser korleis hjarte- og lungefunksjonen påverkar forma og kondisjonen din.

• Gangtest - Helse Fonna HF

Indusert sputum er ei undersøking der vi framkallar hoste/slim frå lungene ved hjelp av eit inhalasjonsapparat som inneheld saltvatn.

KOLS skole er eit tilbod for deg som har fått diagnosen kronisk obstruktiv lungesjukdom (KOLS), og ønsker meir informasjon om sjukdomen.

KOLS skole er eit to-dagars kurs, som varer frå kl. 09.00 til 15.00. Det vil vere 10-15 deltakarar på kurset, og du kan ta med pårørande dersom du ønskjer det.

Vi legg inn små pausar undervegs, og ein lunsjpause der vi et lunsj saman.

Du vil få eit eige pasientskriv frå oss – dersom dette er aktuelt for deg.

Du kan bli tilvist til oss for å ta lungebiopsi (vevsprøve) dersom det er funnet forandringar på ei eller begge lunger. Det blir då undersøkt vidare ved hjelp av biopsi.

• Biopsi - Helse Fonna HF
• Lungebiopsi med CT-veiledning - Helse Fonna HF

Mange med lungesjukdom blir lett sittande mykje i ro. Det kan vere fordi ein kjenner seg fysisk avgrensa, eller fordi ein er redd for å bli tungpusta.

Lungetrimmen er tilpassa dine behov og avgrensingar. Samtidig har du kvalifisert helsepersonell i nærleiken, dersom du skulle kjenne deg utrygg.

Trimmen blir leia av fysioterapeut i samarbeid med sjukepleiar.

Slik går trimmen føre seg:

Du deltek i gruppetrening med varierte øvingar for både styrke og kondisjon.

Ingen greier ALT, men ALLE greier noko, og LITT er betre enn ingenting.  

Dette er ei undersøking for å diagnostisere og kontrollere astma. Testen måler luftvegane sin tilstand ved at du pustar inn metakolin, som er eit luftvegsirriterande stoff. Ved betennelse i luftvegsslimhinnene er desse overfølsame og reagerer kraftig på metakolin.

Overfølsame luftvegar er eit klassisk kjenneteikn ved astma, men kan også førekome ved andre tilstander. Hyperreaktivitet er ein av flerre faktorar som medverkar i ei astmadiagnose.

Dersom du har redusert oksygennivå i blodet, kan du få oksygen via ulike apparat som du kan låne på sjukehuset. Denne behandlinga gjeld berre for de som har blitt utgreia og med påvist oksygenmangel i blodet.  

• Oksygenbehandling i hjemmet - Helse Fonna HF

Sjå meir informasjon: Pakkeforløp kreft - Helse Fonna HF

Lungene ligg i kvar sin pose i brysthula. Desse lungeposene kalles pleura. Nokre pasientar kan få væske i pleura og det kan då vere behov for å tappe væska. Ved pleuratapping blir det fjerna væske frå hulrommet mellom dei to lungehinnene. Det blir enten for å kartlegge årsaken til væskedannelsen eller for å lindre plagene som væsken gir.  

• Pleuratapping - Helse Fonna HF

Spirometri er ei undersøking av lungefunksjonen der du pustar i eit munnstykke for å måle kor mykje og kor fort du kan puste inn og ut. Det blir brukt for å vurdere lungekapasiteten, oppdage lunge-relaterte problem og overvake effekten av behandlinga.

• Spirometri - Helse Fonna HF
• Spirometri med diffusjonskapasitet - Helse Fonna HF